Сондай-ақ, Ресей үкіметі төрағасының орынбасары Аркадий Дворковичпен екіжақты серіктестік мәселелерін талқылады. Бұл туралы Премьер-Министрдің баспасөз қызметі хабарлайды.
Премьер-Министрдің орынбасары А.Жұмағалиев «Сколково» технопаркінде инновациялық дамудың «Ашық инновациялар-2017» VI Мәскеу халықаралық форумына қатысты. Биылғы форумның басты тақырыбы – цифрлы экономика. Форум аясында «Сколково» технопаркінің базасында «Инновациялық технологиялар паркі» (ИТП) Автономды кластерлік қор өкілдігінің ашылуы өтті.
«Қазіргі таңда біз Елбасының тапсырмасы бойынша адами капиталды және проактивті мемлекетті дамыту, цифрлы инфрақұрылымды жасау және экономиканың барлық саласын цифрландыру мәселесін қамтитын «Цифрлы Қазақстан» бағдарламасын жетілдірумен айналысып жатырмыз. Бұл бағдарламада экожүйені дамыту мен өнеркәсіп мекемелерін цифрландыру сияқты маңызды элементтер болады. Бағдарлама жуырда пысықталып жетілдіріледі», — деді Премьер-Министрдің орынбасары А.Жұмағалиев.
Айта кетейік, Қазақстан вице-премьері іссапар барысында Ресей Федерациясының үкіметі төрағасының орынбасары А.Дворковичпен кездесті.