Астанада «Рухани жаңғыру – гүлдену мен келісім жолы» конференциясы өтіп жатыр

Астанада өтіп жатқан «Рухани жаңғыру – гүлдену мен келісім жолы» конференциясы түрлі елдердің ғылым мен мәдениет қайраткерлерінің, дінбасылар мен мемлекет қызметшілерінің бас қосып, пікір алмасатын алаңына айналды. Екі күнге созылған алқалы жиында қазіргі дәуірді, оның ерекшеліктері мен өзіндік артықшылықтарын, адамзат алдындағы бірқатар заманауи күрделі мәселелерді оңтайлы шешу мен жаңа ғылыми негіздерге сүйене отырып байыптауға негізделген Қазақстан мен Мемлекет басшысы Нұрсұлтан Назарбаевтың бастамалары қарастырылады.

Конференция бағдаламасында Еуразия халықтары қауымдастығының отырысы бар. Бұл – еуразиялық ынтымақтастық идеясын дамытудағы халық дипломатиясының құралы ретінде биыл мамыр айында Мәскеуде құрылған халықаралық қоғамдық қозғалыс.

Қауымдастықтың пленарлық отырысы барысында конференцияға қатысушылардың атынан Еуразия халықтарына арналған Үндеу қабылданған болатын.

Үндеуде қазақстандық қоғамның рухани-адамгершілік, гуманизация, мәдени өсуі жолындағы әрекеттерді арттыра түсудің маңыздылығы ескерілген. Отырысқа қатысушылар мұндай өсімнің басты құралы деп қоғамдық сананы жаңғыртуды есептейді.

«Рухани жаңғыру – гүлдену мен келісім жолы» халықаралық ғылыми-тәжірибелік конференциясының қатысушылары атынан біз саясаткерлер қауымдастығы, зиялы қауым өкілдері, ғалымдар, дін саласының қайраткерлері әлемде Нұрсұлтан Назарбаевтың гуманитарлы бастамаларын дамытуға өз үлесін қосуға дайын екендігін жеткіземіз. Біздің баршамыздың алдымызда дүниетаным бағытын жанжалдан, қарсыласудан, қаталдықтан, сенімсіздіктен рухани жаңғыруға, келісімге, өзара құрмет пен ынтымақтастыққа бет алу міндеті тұр», — делінген Үндеуде.

Айта кету керек, Астанада қабылданған Үндеу Еуразия халықтары қауымдастығының жыл соңында Парижде өтетін отырысында да оқылатын болады.

Шара Астана қаласы әкімдігінің, Дін істері басқармасы мен «Мәдениет арқылы бейбітшілікке қол жеткізу» атты Халықаралық қауымдастықтың мұрындық болуымен өтіп жатыр.

ОҚИ ОТЫРЫҢЫЗ

Мемлекет басшысы ЖЕЭК шағын құрамдағы отырысына қатысты

Президент жоғары Еуразиялық экономикалық кеңестің шағын құрамдағы отырысына қатысты. Бұл туралы Ақорда хабарлады. 

Қазақстанда киік саны 1,9 миллионнан асты

Қазақстанда киік саны 1,9 миллионнан асты. Бұл туралы ЕcologyofQazaqstan Telegram-каналы хабарлады.

Доллар 441–446 теңге аралығында саудаланып жатыр

Астана мен Алматыдағы ақша айырбастау пунктерінде доллар 441-446 теңгеден саудаланып жатыр.

Қасым-Жомарт Тоқаев Үлкен Кремль сарайына барды

Мемлекет басшысы жоғары Еуразиялық экономикалық кеңестің шағын және кеңейтілген құрамдардағы отырыстарына қатысу үшін Үлкен Кремль сарайына барды.

Қазақстанда 15 мыңнан астам шетел азаматы жұмыс істейді

2023 жылғы 1 мамырдағы жағдай бойынша Қазақстанда 15 129 шетел азаматы жұмыс істейді. Бұл туралы еңбек және халықты әлеуметтік қорғау министрлігі хабарлады.

Қасым-Жомарт Тоқаев көктемгі егіс науқанымен танысты

Мемлекет басшысы Солтүстік Қазақстан облысына жұмыс сапары аясында көктемгі егіс науқанымен танысу үшін «Дайындық Агро» ЖШС-ға қарасты егістік алқабын аралап көрді.