Ақмола облысы бойынша қоғамдық денсаулық сақтау департаментінің дерегі бойынша облыстық бюджет есебінен бөлінген қаржыға 1 қазаннан бастап, 1 желтоқсан дейін халық көп шоғырланған елді мекендердегі тұрғындарға екпе егу жоспарланған. Оның ішінде жүкті әйелдерге де екпе егу қарастырылып отыр.
Көп жылғы талдау көрсеткендей мамандар Ақмола облысы аумағында тұмаудың эпидемиологиялық маусымы қазаннан сәуір айына дейін жалғасатынын болжап отыр. Осы мақсатта тұмауға қарсы екпе егу үшін 2017-2018 жылдарға облыстық бюджеттен 65 миллионнан астам теңге қаражат бөлініп, 75 157 мың мөлшер (доза) сатып алынған.
Бұл ретте, ресейлік «Гриппол плюс» вакцинасы пайдаланылып отыр. Вакцинаның құрамында A(H3N2) және А(H1N1), сондай-ақ, тұмаудың В типті түріне қарсы әрекет ететін антигендік штамм бар. Вакцинаны негізінен (асқынған өкпе, жүрек-қан тамырлары, иммунитеті төмен, жиі-жиі ауыратын балалар мен балалар үйі, мектеп-интернатының тәрбиеленушілері және қариялар үйі мен медицина қызметкерлері, жүкті әйелдерге) егу көзделген.
«Бүгінгі күні Ақмола облысы бойынша 13 420 мыңнан астам адамға тұмауға қарсы екпе егілген (оның ішінде 2 415-і 14 жасқа дейінгі балалар, ересектер арасында 2 136 медициналық қызметкерлер жəне 167 жүкті әйелдер). Сонымен қатар, тұрғындарға қосымша жеке қаражаты есебінен де екпе салу қарастырылған. Ақылы екпенінің құны 1 380 теңгені құрайды. Вакцинаның қорғаныс әсері екпе алғаннан кейін 14 күн өткен соң басталып, 6 айдан 12 айға дейін жалғасатын болды. Жалпы, бүгінгі күні Ақмола өңірінде тұмау бойынша эпидемиологиялық жағдай тұрақты», — дейді департамент мамандары.