2017 жылдың ең ақылды оқушылары болып Астанадағы Назарбаев орталығында өткен «Кім білгіш?» интеллектуалды-танымдық онлайн турнирінің жеңімпаздары атанды. Олар: Бихан Боранбай мен Влада Горбенко. Биxан — Павлодар облысы Ақсу қаласының дарынды балаларға арналған мамандандырылған гимназиясының 11-сынып оқушысы. Влада — Павлодар облысы Ақсу қаласының № 4 орта мектебінің 10-сынып оқушысы.
Турнирге қатысқан 5 мың оқушыдан озық болған 12 финалист құрмет дипломдары мен ноутбук, планшет және смартфон сынды бағалы сыйлықтармен марапатталды.
Жобанв Қазақстан Республикасы Тұңғыш Президенті – Елбасының Қоры мен Мемлекеттік тілді дамыту қоры ұйымдастырды.
Турнирдің мақсаты — дарынды балаларды анықтау, оқушылардың танымдық қабілеттерін ынталандыру, пәндік білімдерін тереңдету, ғылымға деген қызығушылығын арттыру, білімді насихаттау, интеллектуалды мүмкіндіктерін дамытуға ат салысу.
«Кім білгіш?» мобильдік интеллектуалды қосымшасы 2016 жылы іске қосылған.
