Нұрсұлтан Назарбаев орысшаға қазақ тілінде жауап берген қызметкерлерді жұмыстан қууды тапсырды

Бүгін Алматыдағы Универсиада нысандарын аралап көрген мемлекет басшысы Нұрсұлтан Назарбаев тіл мәселесіне де тоқталып өтті. Ел президенті Қазақстанның тек көпұлтты емес, сондай-ақ көптілді ел екенін де атап өтті деп хабарлайды Skifnews.kz.

Нұрсұлтан Назарбаев
Нұрсұлтан Назарбаев

«Біз үштілді білім беру жүйесін енгіздік және бұл жолдан ауытқуға болмайды. Шенеуніктердің көбі заңнан озып, ел тұрғындарының бәрін қазақша сөйлеткісі келеді. Бірақ біз көпұлтты ел болғандықтан оған жол беруге болмайды», – деді елбасы.

«Менің байқағаным, біреу орысша сұраса, біздің мамандар оған қазақша жауап беріп жатады. Сонда прокуратура қайда қарап отыр? Егер азамат орыс тілінде өтінім берсе оған орысша жауап беру керек. Егер орыс тілінде сұраған азаматқа қазақша жауап берсе ондай қызметкерді жұмыстан қуу керек!» – деп атап өтті Назарбаев.

Сонымен қатар Назарбаев бұндай орын алған бассыздықдықтарды президент аппараты барлық облыстардан тексеретінін қадап айтты.

“Мен ескертемін: Президент аппараты барлық облыстардан тексеретін болады. Бассыздықты доғарыңдар! Олай істейндіреді көптің алдында қызметінен кетіру керек. Себебі, бұл заңды бұзу!”, – деді мемлекет басшысы.

Аталған жиын барысында президент жоғары білім жайында да сөз қозғады. Ол бірнеше диплом алып, оны пайдаға асырмайтындарды сынға алды.