Газды бірден баспаңыз
Жанармайды үнемдеу үшін көліктің жылдамдығын баяу арттырып, жәй тоқтау керек. Жылдамдықты бірден арттыру жанармай шығынын көбейеді.
Круиз бақылауды пайдаланыңыз
Куриз бақылау — көліктің жылдамдығын бірқалыпты ұстап тұратын жүйе. Егер сіз белгіленген жылдамдықтан арттырып жіберсеңіз немесе баяулап қалсаңыз, ол қалпына келтіреді. Бірқалыпты жылдамдық жанармайды үнемдеуге мүмкіндік береді.
Техникалық бақылаудан уақытылы өтіп тұру
Әр 7 мың шақырым жол жүрген сайын көліктің майы мен оның сүзгісін, майшам мен ауа сүзгісін ауыстырып отырған жөн. Аталған құрылғылар ескірсе, көлік қозғалтқышына күш түсіп, жанармай шығыны арта бермек.
Желдеткішті сирек пайдаланыңыз
Күн қатты ыстық болмаса, желдеткішті пайдалану жанармайға тағы біраз ақша шығындауға әкеледі. Себебі желдеткіш қосылған кезде жанармайға деген сұраныс 15 процентке артады. Егер желдеткішсіз жүрсеңіз, 100 шақырым жүрген сайын 2 литр жанармай үнемдеуге болады.
Қай жолмен жүретініңізді жоспарлап алыңыз
Үйден шықпас бұрын қай жолдарда жөндеу жұмыстары жүргізіліп жатыр, қай қиылыста кептеліс болуы мүмкін екенін алдын ала ескеріңіз. Сол арқылы қысқа бағытты таңдап алуға болады. Есіңізде болсын, уақыт үнемдеу — жанармайды да үнемдеу.
Жаңбырлы күні көлікпен қыдыруды азайтыңыз
Жауын қатты жауған кезде жолдағы су көліктің дөңгелектеріне күш түсіреді. Бұл қозғалтқыштың жұмысына да әсер етіп, жанармайға деген сұранысы артады.
Дөңгелектердің қысымын тексеріп отырыңыз
Желі дұрыс үрленген дөңгелектер — қауіпсіздігіңіздің кепілі. Егер одан 0,1 атм жел шығып кетсе, жанармай шығыны 2-3 процентке артады. Қысымды күн салқындаған күндері де тексеріп отырған дұрыс.
Көліктегі артық заттарды алып тастаңыз
Көлігіңізде жүрген артық жүктерді алып тастаңыз. Көліктің салмағы артқан сайын жанармай шығыны да өсе түседі. Олардың орнына артық дөңгелек, домкрат сынды заттарды ғана алған дұрыс.
