Басты бет Қоғам Еліміздегі бес жоғары оқу орнының ректорлары ауысады

Еліміздегі бес жоғары оқу орнының ректорлары ауысады

5 қыркүйек күні Астанада мемлекеттік жоғары оқу орындары ректорлары лауазымдарына үміткерлерді айқындау бойынша Республикалық конкурстық комиссия отырысы болып өтті.

Фото: Mkset.ru

Қазақстан Республикасы Премьер-министрінің орынбасары Ерболат Досаевтың төрағалығымен, сондай-ақ, ҚР Парламенті Сенатының Халықаралық қатынастар, қорғаныс және қауіпсіздік комитетінің төрайымы Дариға Назарбаеваның, ҚР «Атамекен» Ұлттық кәсіпкерлер палатасының басқарма төрағасы Абылай Мырзахметовтің, «Қазақстан» РТРК» АҚ Басқармасының төрағасы Ерлан Қариннің, ҚР Білім және ғылым вице-министрі Асхат Аймағамбетовтің, Қазақстанның Жоғары оқу орындары қауымдастығының президенті Рахман Алшановтың және басқа да комиссия мүшелерінің қатысуымен өткен отырыста вакантты ректорлық лауазымдарға үміткерлермен сұхбаттар өткізілді.

Оның қорытындысы мен ЖОО дамыту бағдарламаларын талқылау нәтижесінде конкурстық комиссия төмендегі үміткерлерді ректорлық лауазымға ұсынды:

  • Атырау мұнай және газ  университетіне — Әбішев Әли Әжімұлы
  • Қазақ мемлекеттік қыздар педагогикалық университетіне — Алдамбергенова Гаухар Төремұратқызы
  • Ш. Есенов атындағы Каспий мемлекеттік технологиялар және инжиниринг университетіне — Ахметов Берік Бақытжанұлы
  • М.Х. Дулати атындағы Тараз мемлекеттік университетіне — Сарыбеков Махметғали Нұрғалиұлы
  • С. Торайғыров атындағы Павлодар мемлекеттік университетіне  — Ахметова Гаухар Ғалымқызы.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version