Бүгінгі күннен бастап бір долларға 8 100 өзбек сомына тең. Орталық банктің мәліметінше, өткен аптада бір доллардың құны 4 210,35 сом болған.
Девальвация 2017 жылдың 2 қыркүйегінде Өзбекстан президенті «Валюта саясатын ырықтандыру бойынша бірінші кезектегі шаралар туралы» Жарлыққа қол қойғаннан кейін жасалды.
«Шетелдік валютаға қатысты ұлттық валюта бағамын орнату кезінде тек қана нарық механизмдерін пайдалану — валюта нарығын одан әрі ырықтандыру саласындағы мемлекеттік экономикалық саясаттың басым бағыттарының бірі», — деп жазылған құжатта.
