Мейвезер өз жеңісіне 5 миллион доллар бәс тікпек

Бес салмақ дәрежесіндегі бұрынғы әлем чемпионы Флойд Мейвезер 26 тамызда өтетін жекпе-жекте Конор МакГрегорды жеңетініне бес миллион доллар бәс тікпек.

Флойд Мейвезер, ©Reuters

Бұл туралы спорт бәстері бойынша маман Р.Д.Белл мәлімдеді.

Бұдан бұрын Лас-Вегастағы букмекерлік кеңселердің бірі Мейвезер жеңісіне 880 мың доллар бәсті қабылдаған болатын. ESPN.com басылымы бұл бокс тарихындағы ең ірі бәс деген пайым жасады.

Мейвезер — МакГрегор жекпе-жегі 26 тамызда Лас-Вегастағы T-Mobile арнеасында болады. Жекпе-жек бокс ережелері бойынша өтеді және АҚШ-та ақылы трансляция (PPV) арқылы көрсетіледі. Бұл жекпе-жектен ирландиялық файтер 75 миллион, ал Мейвезер — 100 миллион доллар табыс табады.

Сонымен қатар, бұл жекпе-жекке Money Belt аталған қолтырауын терісінен тігілген және 3360 гауһар тас, 600 жақұт пен 300 зүміретпен әшекейленген.1,5 келі алтын жалатылған WBC ұйымының арнайы белбеуі тігіледі.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version