Америка Құрама Штаттарының президенті Дональд Трамп делегацияны Астанаға тамыз айының соңында жіберуді жоспарлап отыр. Олардың басты мақсаты — «Астана ЭКСПО-2017» халықаралық мамандандырылған көрмесін көріп қайту.
Делегация мүшелерінің тізімі Ақ үйдің ресми сайтында жарияланды.
Онда «Бүгін президент Дональд Трамп Қазақстан Республикасында «Болашақтың энергиясы» тақырыбында өтіп жатқан «Астана ЭКСПО-2017» халықаралық мамандандырылған көрмесіне 2017 жылдың 28 тамызы күні баратын ресми делегацияның құрылғанын мәлімдеді»,- деп жазылған.
Сайттағы мәліметке сүйенсек, делегацияны АҚШ-тың энергетика министрі Рик Перри бастап келеді. Сондай-ақ, тізімде АҚШ-тың Қазақстандағы елшісі Джордж Крол, конгрессмен Кевин Крамер, АҚШ президентінің ұлттық қауіпсіздік жөніндегі көмекшісінің орынбасары Лиза Кертис, General Electric пен Overseas Private Investment Corporation өкілдері бар.
бір айдан соң халыққа ерекше серпін берген шараның аяқталатын өкінішті…ал соңғы айда осындай мәртебелі жандар келіп тамашалайтыны қуантып тастады!
Еее, кім не десе де бұл экспо-ның арқасында атағымыз біраз жерге барып, біраз елге танылып қалдық, шүкір.
тіпті ресми түрде хабарлап қойса, жақын күндері келетіндігінің белгісі ғой, бірақ біз мейман күтуге төселіп қалдық, дайынбыз.
құшақ жая қарсы алатын халықпыз, кімді де болмасын!