Семей әуежайындағы барлық рейстер тоқтатылды

Семей қаласы әуежайының ұшу-қону жолағын су шайып кетті. Осыған байланысты әуежайдағы барлық әуе рейстері тоқтатылды. Бұл туралы Семей қаласы әкімдігінің баспасөз қызметі хабарлады.

Қазір Семей әуежайының бетонды ұшу-қону жолағына жөндеу жұмыстары жүргізіліп жатыр. Ал уақытша ұшуға арналған жолды жаңбыр шайып кетті. Сол себепті бүгін барлық әуе рейстері тоқтатылды.

«Мұндай жағдайлар жауын-шашын грунтты әуе жолақтарын шайып кеткен кезде болып тұрады. Бұл — қарапайым жағдай. Жол кепкен соң, жұмыс жалғасады. Дүрлігудің қажеті жоқ», — деп атап өтті әуежайдағылар.

Дереккөз7kun.kz