1-ші шілдеден бастап жасына байланысты берілетін зейнетақы мөлшері де 11 пайызға ұлғайды. Ал, базалық зейнетақы төлемі 13 пайызды құрап отыр. Қазіргі күні Ақмола облысында 110 мың 361 зейнеткер бар. Енді олар жоғары көлемді зейнетақымен қамтамасыз етілетін болады.
Сондай-ақ, әскери мамандар, мемлекеттік және құқық қорғау органдарының қызметкерлері мен арнайы шені бар тұлғаларға берілетін зейнетақы мөлшері де көбейеді. Мемлекеттің осындай әлеуметтік көмегіне Ақмола облысында құқық қорғау органдарының 3 мыңға жуық қызметкері ие болмақ.
Мамандардың айтуынша, ең төменгі күнкөріс шегі де қайта қаралатын болады. Бұл 2018-ші жылдың қаңтар айынан бастап елімізде жалпы әлеуметтік көмектің көлемін ұлғайтуға мүмкіндік береді.