«Бірыңғай мектеп формасы болуы керек. Ол біздің бұйрығымызда бар. Бірақ оның қандай болатынын мектеп өзі шешеді»,- деді Ерлан Сағадиев бүгінгі баспасөз конференциясында.
Министрдің айтуынша, бірыңғай форманың түсін, пішінін, қай жерде тіктіріліп, қанша теңгеге алатындарын мектептің ата-аналар комитеті жиналып, шешуі керек. Егер қандай да бір ата-анаға бұл форма ұнамаса, мектепке жүгінеді.
«Бұл мәселені мектепте шешуге болады. Сондай-ақ, бір қаладағы барлық мектептің формасы бірдей болуын әкімшілік шешеді. Министрліктің оған қатысы жоқ»,- деді Ерлан Сағадиев.
Айта кетейік, 2017 жылдың 1 қыркүйегінде елордалық оқушылар мектепке бірыңғай формамен барады.