«Қазіргі күннің өзінде Шымкентте қаңтар айындағы ең жоғарғы температура әрі кетсе 15-20 градусқа барады. Ал жердегі зауыттардың көптігінен, көліктен шығатын зиянды қалдықтардың көбеюі салдарынан әлемдік температура жылынып келеді. Әр жыл сайын күн райы жарты градусқа жылынады деп есептесек, алдағы 40-50 жылда Шымкентте мүлде қыс болмайды деп сеніммен айтуға болады», — дейді ауа райын зерттеуші.
Нұрқабыл Қозыбайдың айтуынша, 40-50 жылдан қаңтар айында Шымкент жасыл-желекке оранып, жаздың жаймашуақ күні орнауы әбден мүмкін.
«Мен ауа райына қатысты қызықты деректерді қариялардан жинайтынмын. Сол кезде шалдардың осыдан 70-80 жыл бұрын Шымкентте мүлде қыс болмағанын айтқаны бар. Олар қыстың күні сиырдың тезегін жинап, көмір орнына тезек жағыпты. Яғни, мұндай жағдай араға жылдар салып болып тұрады», — деді ол.
Еске сала кетейік, Шымкентте қыс ортасында ағаштар гүлдеп, жер көгере бастағаны туралы хабарланған болатын.