Аты Серік Сәпиев, Илья Ильин, Қайрат Нұртас сынды жұлдыздармен қатар аталған Жанар Дұғаловаға қатысты пікірін Баян Есентаева Инстаграм желісінде жариялады.
“Бәрін түсінем, бірақ депутаттық тізімге әртістерді қосу деген басыма сыймайды. Әншілер қандай мәселені ұсына алады. Көпке топырақ шашпайын, бірақ Жанар Дұғалова түк бітірген жоқ, қалай ғана жас әнші заң жобаларымен айналыспақ? Танымалдылық деген бір бөлек, саясат деген бір бөлек. Не болса да, сәттілік тілеймін. Нағыз дарын иесі барлық жағынан қабілетті шығар. Бәлкім ол саясатқа да керек шығар”, – деді Есентаева өз парақшасында.