2018 жылдан бастап шенеуніктер лауазымына қарай емес, жұмыс нәтижесіне қарай жалақы алатын болады. Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Айгүл Шаимова мәлімдеді.
Оның айтуынша, аталған реформа мемлекеттік қызметте бір жарым жылдан бері жүріп жатыр. Ол шенеуніктерді таныс-тамырлықтан ада етіп, қызметте өз күшімен өсуге талпындырады, яғни меритократияға жол ашады деп күтілуде.
Жалақы тағайындаудың жаңа жүйесі Алматы облысы Әділет министрлігі мен агенттіктерден басталады.
