Басты бет Жаңалықтар Лимон шырыны қосылған суды не үшін ішу керек?

Лимон шырыны қосылған суды не үшін ішу керек?

Лимон жемісінің пайдасы туралы жиі естиміз. Ал лимон шырыны қосылған суды не үшін ішу керек? Оның зиянды тұстары туралы не білеміз?

Лимон суының пайдасы

  • Лимон шырыны қосылған су — жаздың аптап ыстығында таптырмас сусын. Ол шөлді қандырып ағзамызға қажет дәрумендер мен минералдардың орнын толтырады.
  • Лимон қосылған судың ас қорытуда маңызы зор. Биологтардың айтуынша, лимон қышқылы асқазан ұйқы бездерінің секреция жұмысын жақсартады.
  • Бауырды токсиннан тазалауда да лимон суының пайдасы тиеді.
  • Адамның иммундық жүйесін нығайтып, жүйке жүйесін қалыпқа келтіреді.
  • Сонымен қатар, лимон қосылған су адамның қан қысымын реттеуге көмектеседі.
  • Лимон суы артық салмақ тастауда көмектеседі. Оның құрамындағы пектин талшықтары аштықты басатын қасиетке ие.
  • Лимон шырыны қатерлі ісіктің алдын алады. Лимон — күшті сілтілі жеміс. Ғалымдар қатерлі ісіктің сілтілі ортада дами алмайтынын көрсеткен.

Лимон суының зияны

  • Асқазан-ішек аурулары кезінде лимон қосылған суды пайдаланбаған жөн.
  • Бүйрек ауруларына шалдыққан адамдарға да көп мөлшерде пайдалануға тыйым салынған, өйткені несеп айдайтын әсері өте мықты.
  • Ауыз қуысында стоматит болған жағдайда, яғни тілдің ойылуы кезінде лимон суын ішу шырышты қабықты тітіркендіреді.
  • Цитрусты жемістерге аллергия болған жағдайда дәрігерлер лимонды абайлап пайдалануға кеңес береді.

Лимон шырыны қосылған суды пайдаланудың негізгі ережелері:

  • Лимон суын таңертеңгілік уақытта ішу керек. Таңғы астан 20-30 минут бұрын ішсеңіз, дәрумендер ағзаға сіңіп үлгереді.
  • Қалыпты норма — күніне бір стақан. Одан артық ішудің қажеті жоқ.
  • Лимон шырынын жаңа сығылған балғын күйінде ішкен дұрыс. Себебі, уақыт өте келе қышқыл мөлшері тым жоғары болып кетеді.
  • Лимон суының температурасы 30-36 градус болғаны абзал. Одан төмен немесе жоғары болса, асқазанға зақым келтіру қаупі бар.
  • Сусынды ішкеннен кейін жарты сағаттан соң міндетті түрде тамақтану қажет. Ашқарынға ішіп, әрі қарай жүре беруге болмайды.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version