Еліміздің құрлық әскерлері «Үздік әскери барлаушы» байқауына қатыспақ

Қазақстан Республикасы Қарулы Күштерінің Құрлық әскері Новосібірде өтетін "Үздік әскери барлаушы" байқауына дайындалуда.

«АрМИ-2017» халықаралық әскери ойындарының аясында ұйымдастырылып жатқан байқаудың дайындығы құрлық әскерінің әскери институтындағы полигонда өтуде. Аталмыш дайындыққа он алты әскери қатысып, іріктеуден он екісі өтті. Олардың оны байқауға қатысса, екеуі резерв ретінде апарылмақ. Ал төртеуі 2016 жылғы Әскери ойындардың қатысушылары. Ескерте кетейік, аталған әскерилердің бәрі «Юг» аймақтық басқармасының қызметкерлері.

«Күн сайын жаттығу өткізіп жатырмыз. Ресейдегі ойындарда ел намысын қорғайды деп үміт күтіп отырған адамдарымыз да бар. Олар: аға сержанттар: Ержан Сейіт пен Әзиз Сындарқұлов, сержант Шәді Әлимұхаммет, кіші сержант Асылхан Тілеуқабылов»,- деді «Юг» аймақтық басқармасының барлау бөлімінің аға офицері Нұрлан Шегебаев.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version