Қырымбек Көшербаев «Қазақстан барысына» екі бөлмелі пәтер сыйлады

Қазақ күресінен VII «Қазақстан барысы» турнирінің жеңімпазы Еламан Ерғалиевқа Қызылорда облысының әкімі Қырымбек Көшербаев екі бөлмелі пәтердің сертификатын табыстады.

Жеңімпаз Еламан Ерғалиев облыс әкіміне алғысын білдірді. Енді оның мақсаты – олимпиада медалін жеңіп алу.

«Боз кілемдегі белдесуде ойымда тек туған жерім мен жерлестеріме жеңіс сыйлау тұрды», — дейді Еламан Ерғалиев.

Айта кетейік, Еламан Ерғалиев 1995 жылы 25 мамырда Қызылорда облысы, Қармақшы ауданында дүниеге келген. Ол ҚР Спорт шебері, дзюдо және қазақ күресі бойынша бірнеше мәрте жеңімпаз атанған, дзюдодан жастар арасында Азия чемпионатының күміс жүлдегері (Қытай, Хайнань қ. 2013 ж.), дзюдодан IV Ислам ынтымақтастығы ойындарының қола жүлдегері (Әзербайжан, Баку қ. 2017 ж.).

Дереккөзbaq.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз