Айымның айтуынша, кинотаспа түсірілімі оған аса қиынға соқпаған. «Мажорлар» фильміндегі Камилла рөлін сомдаған Айым өзінің кейіпкері туралы:
«Кейіпкерімнің есімі — Камилла. Оған махаббат қызық емес. Ол ақшаны жақсы көреді. Камилла – жігіттің алдымен материалды жағдайы мен әлеуметтік беделіне қарайтын қыздардың прототипі деуге болады. «Мажорлар» — заманауи «алтын» жастардың өмірін көрсету арқылы, кейіпкерлердің әрекетінен сабақ алып, олардың қателіктерін қайталамауға үндейтін фильм», — дейді.
Айта кетейік, «Мажорлар» толықметражды фильмі айналымға 20 шілдеде шығады. Фильмнің режиссері — Жәнібек Ғұсманов, ал бас продюсері — Анар Рүстемова.
