Талап бойынша банктер паритетті түрде, яғни екі банк осы сомаға тең қаржы шығаруы керек. Осылайша «Даму-Өңірлер ІІІ» бағдарламасына бөлінген қаржының жалпы көлемі 20 млрд теңгені құрайды.
Несие «Бизнестің жол картасы-2020» бизнесті қолдау мен дамытудың бірыңғай бағдарламасы аясында жүзеге асырылып жатқан жобаларға беріледі. Оны алған кәсіпкерлер субсидия түріндегі қосымша жеңілдікті де пайдаланып, пайыздық мөлшерлемені 7-10 пайызға арзандата алады. Ал кепіл мүлкі болмаған немесе жетіспеген жағдайда «Даму» Қоры несие сомасының 85 пайызына дейін кепілдік береді.
Қаржыландыру талаптары:
- Несие бойынша номиналды сыйақы мөлшерлемесі:
- – «АТФ Банк» АҚ – жылына 14%;
- – «Нұрбанк» – жылына 17,5%;
- Бір кәсіпкердің қолына 500 млн теңгеге дейін беріледі;
- Мерзімі – 84 айға дейін.
Салалар:
- Агроөнекәсіптік кешен;
- Тау-кен өндіру саласы;
- Құрылыс материалдарын шығару;
- Металлургия, металлөңдеу, машинақұрылысы;
- Көлік және қоймада сақтау;
- Туризм;
- Ақпарат және байланыс;
- Кәсіби, ғылыми және техникалық қызмет түрлері;
- Денсаулық сақтау және әлеуметтік қызметтер;
- Білім беру;
- Өнер, көңіл көтеру және демалыс;
- Басқа да қызмет түрлерін көрсету.
Бұл бағдарламаларды жүзеге асыру аясында бүгінгі күні 3 134 кәсіпкер несие алып, 11 375 жаңа жұмыс орындары ашылып, нақты берілген қаражат 175 млрд теңгеге жетті.
