Ескі техниканы өткізушіге атаулы сертификат беріледі. Қазақстанда өндірілген көлік сатып алғанда сертификат жеңілдік ретінде пайдаланылады. Жеңілдік беретін сертификаттың құны тапсырылатын көлік құралының санатына байланысты 315 мың теңгеден 650 мың теңге аралығында болады.
Отандық өндірушіден кез келген санаттағы көлік құралын сатып алғанда жеңілдік сертификатын пайдалануға болады. Және де бір автокөлік сатып алғанда 2 сертификатқа дейін пайдалануға мүмкіндік бар.
«Жеңілдік сертификаты атаулы және оны өзгенің атына тіркеу екі реттен артық жүргізілмейді. Сондай-ақ оны қайтарып беруге және қолма қол ақшаға ауыстырылмайды. Сертификат тіркелген күннен бастап 12 айға дейін жарамды. Тозығы жеткен көлік құралдарын жою бағдарламасы отандық парктің жаңаруына, Қазақстандық автоөндірісті ынталандыруға және утилизация саласының инфроқұрылымын қалыптастыруға мүмкіндік береді», — делінген хабарламада.
ҚР энергетика Министрлігінің тапсырмасымен жасалған Бағдарламаны «ӨКМ Операторы» ЖШС ҚР инвестиция және даму министрлігімен және отандық автоөндірушілермен бірлесе құрастырды.
Бағдарлама жөнінде толық ақпаратты auto.recycle.kz ресми сайтынан оқуға болады.
Көлік бергенде оның документі страховкасы керек болады емеспе менде ескі көлік бар оны беріп мен Лада алсам қалай хабарласыңыздар берем 87021588497