Биыл Қазақстаннан қанша адам көшіп кетті?

Ұлттық экономика бірінші вице-министрі Руслан Дәленов 2017 жылдың қаңтар-сәуір айларында Қазақстаннан қанша азаматтың кеткенін хабарлады.

Миграция, елден көшу
Фото ашық дереккөзден

Вице-министр Руслан Дәленовтің хабарлауынша, қаңтар-сәуір айында 376 мың адам елге келіп, 377 мың адам елден кетті.

Ал Ұлттық экономика министрлігі Статистика комитетінің төрағасы Нұрболат Айдапкеловтің айтуынша, қазақстандықтар көбінесе жақын аймақтағы елдерге көшіп жатады. “Бірінші кезекте Ресейге. Сосын алыс шетелге кететіндер бар”, – деді ол.

Комитеттің мәліметінше, 2016 жылы Қазақстаннан кеткен азаматтардың саны 34 965 құрады.