Басты бет Жаңалықтар Димаш Құдайбергеннің концертіне 15 мың билет сатылып кетті

Димаш Құдайбергеннің концертіне 15 мың билет сатылып кетті

Мәдениет және спорт министрі Арыстанбек Мұхамедиұлы қоғамдық кеңес алдында ведомствоның 2016 жылы атқарған жұмыстарына есеп берді.

Есеп беру барысында министр «ЭКСПО-2017» халықаралық көрмесі кезінде өтетін мәдени іс-шараларға қызу дайындық жұмыстары жүргізіліп жатқандығын айтты. Сондай-ақ, ол «ЭКСПО-2017» көрмесі кезінде өтетін Димаш Құдайбергеновтің концертіне 15 мың билеттің бірден өтіп кеткендігін қуанышпен хабарлады.

«Қазақ Ұлттық Өнер университетінің 3-курс студенті Димаш Құдайбергеновтің жеке концертіне тоқталайын. Концерт 30 мың орындық стадионда өтеді. Оның 15 мың билеті 2 аптаның ішінде сатылып кетті. Концертке әлі 1 ай уақыт бар. Ол 27-маусымда болады. Барлықтарыңызды шақырамыз. Қазір ол 3-курсты бітіріп, 4-курсқа өтті. Сондықтан бұл өте жоғары көрсеткіш. Қазақтың азаматы бірінші рет үлкен сахнада жоғары деңгейде шоу өткізгелі отыр», — деді Арыстанбек Мұхамедиұлы.

Еске сала кетейік, «ЭКСПО-2017» халықаралық көрмесі Астанада 2017 жылдың 10 маусымынан 10 қыркүйегі аралығында өтеді. Оған 2,5 млн қонақ келеді деп күтілуде. Маңызды көрменің ашылуына 12 күн қалды.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version