Ақжүрек Таңатаров Азия чемпионы атанды

Күрес түрлерінен Делиде өткен Азия чемпионатында отандасымыз Ақжүрек Таңатаров жеңімпаз атанды. Азамат Дәулетбеков – күміс, Нұрислам Санаев пен Дәулет Ниязбеков қола жүлде жеңіп алды.

70 келіге дейінгі салмақта Ақжүрек Таңатаров ширек финалда моңғолиялық Хатаанбатаар Даваатсеренді, жартылай финалда жапониялық Моможиро Накамураны айқын жеңді. Ал финалда өзбек балуаны Ихтиор Наврузовтан 11:7 есебімен айласын асырды.

86 келіге дейінгі салмақта Азамат Дәулетбеков финалға дейін сүрінбей жеттті. Шешуші белдесуде ирандық Алиреза Каримимашианиден жеңіліп, күміс медальды қанағат тұтты.

57 келіде Нұрислам Санаев және 61 келіде Дәулет Ниязбеков Азия чемпеионатының қола жүлдегерлері атанды.

Айта кетейік, грек-рим күресінен де қазақ балуандары 4 медаль жеңіп алған болатын: Мақсат Ережепов (75 келі) Азия чемпионы атанса, Алмат Кебіспаев (66 келі) пен Дамир Күзембаев (130 келі) күміс жүлдеге ие болған еді. Ал 90 келіде Ерұлан Ысқақов қола жүлдегер алған болатын.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version