Ақордада Қасым-Жомарт Тоқаев елімізге мемлекеттік сапармен келген Конго Демократиялық Республикасының президенті Феликс Чисекедиді қарсы алды.
Бұл туралы Ақорда хабарлап отыр.
Алдымен Қасым-Жомарт Тоқаев пен Феликс Чисекеди бір-біріне ресми делегация мүшелерін таныстырды.
Осыдан кейін мәртебелі мейманның сапарына орай салтанатты рәсімдер залында сап түзеген құрмет қарауылының бастығы мемлекет басшыларына сәлемдік баянат берді. Президент оркестрі екі елдің мемлекеттік Әнұранын орындады.
Әнұрандарды тыңдап болғаннан кейін Қасым-Жомарт Тоқаев пен Конго Демократиялық Республикасының президенті кілемше бойымен Қазақстан Республикасының мемлекеттік туына қарай жүрді.
Оның алдына келгенде мейман тоқтап, басын сәл иіп, өзінің құрметін білдірді. Сонан соң Иордания Королі мен президент құрметті қарауыл сапының бойымен жүрді. Құрметті қарауыл бастығымен қоштасты.
