Қасым-Жомарт Тоқаев үкіметке пилотсыз көліктерге қатысты заңнаманы әзірлеуге тапсырма берді.
Бүгінгі жолдауда президент әлем бойынша пилотсыз жүк тасымалдайтын арнайы автокөліктер мен дрондар сияқты көлік түрлері дамып жатқанын ерекше айтты.
Үкімет осындай технологиялардың тез арада қолданысқа енгізілуіне барынша жағдай жасауы қажет. Соның ішінде тиісті құқықтық актілер қабылдауы керек, — деді президент.
Президент Қазақстан Еуразиядағы көлік хабы болуға тиіс екенін де айтты.
Бұл жұмысқа осы салада табысқа жеткен үздік мамандар мен кәсіпкерлерді тарту керек. Бірақ негізгі жауапкершілік – үкіметте. Тапсырманың орындалу барысын жылдың басында үкіметтің жылдық есебінен кейін арнайы жиналыста қараймыз, — деді мемлекет басшысы.
