Алматының «Қайрат» командасы «Реал Мадрид» командасымен 30 қыркүйекте ойнайды. Чемпиондар лигасының топтық кезеңіндегі ойын кестесі жарияланды.
«Қайрат» алғашқы кездесуін 18 қыркүйекте Лиссабонда «Спортингке» қарсы өткізеді. Ал 30 қыркүйекте Алматыда әйгілі мадридтік «Реалға» қарсы ойнайды.
Алматы клубы 21 қазанда кипрлік «Пафоспен» күш сынасса, 5 қарашада сырт алаңда «Интермен» ойнайды. 26 қарашада қонақта «Копенгагенмен», 9 желтоқсанда өз алаңында «Олимпиакоспен» тартысқа түседі.
2026 жылғы 20 қаңтарда Алматыға «Брюгге» келсе, «Қайрат» 28 қаңтарда ағылшынның «Арсеналымен» ойнау үшін Лондонға аттанады.
