Оралдағы «Атамекен» өнер ордасында Қазақстан Республикасының Конституциясы күніне арналған салтанатты іс-шара ұйымдастырылды.
Бұл туралы БҚО әкімінің баспасөз қызметі хабарлап отыр.
Мерекелік жиынға мемлекеттік органдардың өкілдері, ардагерлер, қоғам қайраткерлері мен жастар қатысты.
Батыс Қазақстан облысының әкімі Нариман Төреғалиев өз сөзінде Ата Заңның ел тәуелсіздігі мен бірлігін нығайтудағы рөлін атап өтті.
Осыдан 30 жыл бұрын бүкілхалықтық референдум арқылы қабылданған Конституция – Тәуелсіз Қазақстанның берік тұғыры. Ол қоғамдағы тұрақтылықты орнықтырып, азаматтардың құқығы мен бостандығын қорғаудың сенімді кепіліне айналды, – деді өңір басшысы.
Жиын барысында елдің дамуына елеулі үлес қосқан бірқатар азаматқа «Қазақстан Республикасының Конституциясына 30 жыл» мерекелік медалі табысталды.
Іс-шара мерекелік концертке ұласып, өңірдің өнер ұжымдары арнайы қойылымдарын ұсынды.
