Басты бетЖаңалықтарАлматыда Салықов көшесінің бір бөлігі уақытша жабылады

Алматыда Салықов көшесінің бір бөлігі уақытша жабылады

Қаладағы орташа жөндеу жұмыстарын жүзеге асыру аясында Салықов көшесінде көлік қозғалысы уақытша шектеледі.

Бұл туралы Алматы әкімінің баспасөз қызметі хабарлап отыр.

30 тамыз күні сағат 08:00-ден 31 тамыз сағат 06:00-ге дейін Центральная көшесінен Өтегенов көшесіне дейінгі аралықта қозғалыс жабылады. Жөнделетін учаскеде ескерту белгілері, мердігер ұйымның байланыс ақпараты бар тақта қойылады. Бағытты алдын ала жоспарлауды сұраймыз, — делінген хабарламада.

Сонымен қатар қозғалысқа шектеу қою жөніндегі толық ақпарат @AlmatyJoly Telegram арнасында, әкімдіктің әлеуметтік желілерінде және 2GIS және «Яндекс карталарында» жарияланған.

ОҚИ ОТЫРЫҢЫЗ

Тағы да