Алматы тауларында 4 000 метрден жоғары биіктікте туристің жағдайы нашарлап кетті. Бұл туралы ТЖМ баспасөз қызметі хабарлап отыр.
ТЖМ мәліметінше, Молодёжный шыңындағы лашық маңында еріктілер тобы лагерь құрған. Сол жерде топтың бір қатысушысының жағдайы күрт нашарлап, биіктік ауруының белгілері байқалды. Туристі төменге түсіру үшін «Тұйық-Су» бақылау-құтқару пунктінің құтқарушылары көмекке жіберілді.
Екі сағаттан кейін турист ТЖМ Медицина орталығының дәрігерлеріне табысталды. Ер адамның жағдайы қанағаттанарлық деп бағаланып жатыр, — делінген хабарламада.
Іздеу-құтқару жұмыстары аяқталды, барлық қатысушы аман-есен.
