Бас мүфти Наурызбай қажы Тағанұлы Қазақстандағы мұсылмандарға Мәуліт айы басталатынына құтты болсын айтты. Биыл Мәуліт айы 3-4 қыркүйекте басталады.
Баршаңызды ардақты пайғамбарымыз Мұхаммедтің (оған Алланың салауаты мен сәлемі болсын) дүниеге келген қасиетті Мәуліт айы басталғанымен шын жүректен құттықтаймын! Мәуліт айы – пайғамбарымыздың өнегелі өмірін насихаттап, сүннет амалдарын дәріптеудің, дініміздің асыл құндылықтарын ұлықтаудың берекелі мүмкіндігі. Бұл айда мешіте Аллаға мадақ айтылып, пайғамбарымызға салауат жолданады, мәуліт жыры оқылады, — деп жазды Наурызбай қажы Тағанұлы.
Салауат айту – өзіміз үшін қайырлы әрі мол сауапқа жетелейтін ізгі амал. Пайғамбарымыздың сүннетін ұстану – Алланың разылығына жақындатар жолдың бірі.
