Алматы облыстық сотының қылмыстық істер жөніндегі сот алқасы Шерзат Болаттың өліміне қатысты сотталғандардың жазасы сол күйінде қалды.
Апелляцияның шешімі бүгін, 19 тамыздан бастап заңды күшіне енген.
Биыл 5 маусым күні сот үкімімен 16 жастағы Шерзат Болаттың өліміне қатысты тоғыз адам 23 жылдан 1,5 жылға дейін сотталды.
Атап айтқанда:
- Абзал Шынасыл 23 жылға;
- Равиль Сакиев 20 жылға;
- Азамат Тоқтаубаев 15 жылға;
- Нұрқияс Ілиясов 9 жылға;
- Шыңғыс Белғожаев, Дархан Әскентай, Нұрбол Тоқтаубаев, Дидар Қалиахмет — әрқайсысы жеті жылға;
- Думан Ысқақ бір жыл алты айға сотталды.
Алматы облыстық сотының қылмыстық істер жөніндегі сот алқасы 2025 жылғы 19 тамыздағы қаулысы арқылы үкімді өзгеріссіз қалдырды, — делінген хабарламада.
Еске салайық, 2024 жылғы 3 қазанда түнде 16 жастағы Шерзат Болат төбелес кезінде қаза болды. Іске қатысы бар тоғыз азамат сотталған болатын.
