ЭКСПО кешені дайын болды (Фото)

Осыдан бес жыл бұрын 161 елдің өкілі жасырын дауыс беру арқылы 2017 жылы мамандандырылған көрмені Астанада өткізуді қолдады. Кейіннен кешен орталығында сферасы бар жоба жеңіп шықты. Дәстүрлі түрде құрылыс нысаны көрме символы болып табылады. 1889 жылы ең алғашқы көрмеде Париждегі Эйфель мұнарасы болды, ал 2017 жылы – ұлттық павильонның сферасы болмақ.

“Астана ЭКСПО-2017″ ҰК” АҚ өкілдерінің айтуынша, осы конструкция күн сәулесінен қуат алып, оны электр қуатына айналдырады. Сфераның үстінде екі желайдағыш генераторлар орнатылады. Павильонның іші мамандандырылған көрме стилінде – футуристтік дизайн болады.

“Бүгінде 20 нысанның 18-і аяқталды. Екі нысанда жұмыс жүріп жатыр – бұлар Конгресс-орталық пен қонақүй”, – деді Ахметжан Есімов.

“Бізге заманауи технологияларды көбірек пайдалану қажет, шет елден келетін көрме қонақтарына көрсетуіміз қажет”, – деді Елбасы Нұрсұлтан Назарбаев.

“Астана ЭКСПО-2017″ ҰК” АҚ ақпаратынша,көрмеге 310 мың шетелдік азаматтар келеді. Көрме басталған уақытта министрлік қосымша рейстерді қосуды көздеп отыр. Сондай-ақ Польша, Венгрия, Финляндия және Қытайдан аптасына 11 рейс келіп тұрады.

Түнгі уақытта сфераның түсі өзгереді. Кейінірек, ұйымдастырушылардың уәдесі бойынша, сфераның үстінде жарық шоулар ұйымдастырылады.

Павильондардан бөлек, көрме аумағында ашық аспан астында конгрес-хол мен амфитеатр жұмыс істейді. EXPO-2017 көрмесін белгіленген күні көру үшін 4 мың теңге болады, ал демалыстарда – 6 мың теңге болмақ.