Қазақстанда алдағы тәуліктерде күн тағы ысиды. Бұл туралы «Қазгидромет» РМК синоптиктері хабарлап отыр.
Синоптиктердің мәліметінше, 8 тамыздан бастап Иран аймақтарынан Қазақстанның оңтүстігіне қайтадан жылы әрі құрғақ ауа массалары келе бастайды. Бұл өз кезегінде күндізгі ауа температурасының +35…+41°С дейін көтерілуіне әкеледі.
Ал солтүстік өңірлерде керісінше, суық ауа массаларының ықпалы сақталады – жаңбыр, найзағай, кей жерлерде қатты жаңбыр жауып, бұршақ түсуі мүмкін.