Қазақстанның мемлекеттік қарызы 40 миллиард теңгеге өсті. Бұл туралы қаржы министрлігі хабарлап отыр.
Бұл ретте мемлекеттік қарыз белгіленген лимит шегінде қалды. Биыл 1 шілдедегі жағдай бойынша ол 31,9 триллион теңге болды, — дейді қаржы министрлігінің басшысы Мәди Такиев.
Өсудің негізгі факторы – республикалық бюджет тапшылығын қаржыландыру және бұрынғы қарыздарды игеру. Жалпы ішкі өнім өскендіктен мемлекеттік қарыздың жалпы ішкі өнімге қатынасы төмендеп жатыр.
Егер 2020 жылы мемлекеттік қарыз жалпы ішкі өнімнің 29,2%-ы болса, былтыр ол 23,5%-ға дейін төмендеді, ал биыл 21,1%-ға түсті.
2030 жылға дейін белгіленген мемлекеттік борыш лимиті сақталады, — дейді Мәди Такиев.
