2025 жылғы қаңтар-мамыр айларында Қазақстанда 23,8 мың тонна балмұздақ пен тағамдық мұз өндірілді, бұл өткен жылдың осы кезеңімен салыстырғанда 17,1%-ға артық.
Бұл туралы ұлттық статистика бюросы хабарлап отыр.
Бюро мәліметінше, 2025 жылдың алғашқы төрт айында елге 3 мың тонна балмұздақ импортталды. Сырттан жеткізілетін өнім нарықтың 15,4%-ы болды. Балмұздақ ең көп Ресей (1,5 мың тонна), Қырғызстан (1 мың тонна) және Түркиядан (0,3 мың тонна) әкелінді.
Сонымен қатар Өзбекстан, Швейцария, Беларусь және Италия елдерінен де жеткізу тіркелді.
Аталған кезеңде балмұздақ экспорты 41,6%-ға өсіп, 4,3 мың тоннаға жетті. Қазақстандық балмұздақ негізінен ТМД елдеріне және Қытайға жөнелтілген.
