«Қазгидромет» республика бойынша 2025 жылғы шілдеге арналған консультативті күн райы болжамын ұсынды.
Шілдеде Қазақстанның басым бөлігінде ауа райы тұрақсыз болады деп болжанып отыр. Жауын-шашын жауады, кейбір күндері нөсер жауын болады, найзағай ойнап, бұршақ жауады және дауыл тұрады. Республиканың оңтүстік жартысында қатты ыстық және өте қатты ыстық болады деп болжанып отыр, шаңды дауыл тұрады, — делінген хабарламада.
Бірінші онкүндіктің бірінші жартысында тұрақты циклонның әсерінен Батыс Қазақстан облысында күндізгі температура +18, +26°С арасында болады, онкүндіктің соңына қарай +28, +33°С-қа дейін көтеріледі.
Атырау және Маңғыстау облыстарында ауа температурасы күндіз +25, +33°С-тан +30, +38°С-қа дейін біртіндеп көтерілуі мүмкін.
Солтүстік және орталық өңірлерде әуелі күн ыстық болып, содан кейін салқындайды. Онкүндіктің басында ауа температурасы күндіз +25, +35°С-қа дейін көтеріледі, содан кейін +18, +23°С-қа дейін төмендейді.
Қазақстанның шығысында ең ыстық кезең онкүндіктің ортасында болуы мүмкін, ауа температурасы күндіз +30, +38°С-қа дейін көтеріледі.
1-5 шілде аралығында Қазақстанның оңтүстігінде, оңтүстік-шығысында ауа температурасы түнде +15, +22°С-тан +25, +30°С-қа дейін, күндіз +30, +39°С-тан +40, +46°С-қа дейін өте қатты ыстық болады. Күн ыситындықтан, бұл аймақтарда төтенше өрт қаупі көп.
Шілденің екінші және үшінші онкүндігінде елдің батысында, оңтүстігінде, оңтүстік-шығысында, орталығында ең ыстық күндерде ауа температурасы +33, +42°С-қа дейін, Қазақстанның қиыр оңтүстігінде +46°С-қа дейін жоғарылайды. Салқын күндері +23, +28°С-қа дейін төмендейді.
Елдің солтүстік жартысы мен шығысында ауа температурасы түнде +15, +23°С-тан +7, +12°С-қа дейін, күндіз +32, +39°С-тан +18, +23°С-қа дейін ауытқуы мүмкін.
