Таяу Шығыста атыстың тоқтатылуына байланысты Air Astana әуе компаниясы Иранның әуе кеңістігін айналып өтіп, осы өңірге ұшуды қайта бастайды.
Бұл туралы компанияның баспасөз қызметі хабарлап отыр.
25 маусымда келесі рейстер орындалады деп күтіліп отыр:
- KC205 Астана-Дубай, 11:00
- KC206 Дубай-Астана, 16:40
- KC653 Алматы-Доха, 11:00
- KC654 Доха-Алматы, 15:05
- KC897 Алматы -Дубай, 11:15
- KC898 Дубай-Алматы, 16:10
Барлық жерде жергілікті уақыт көрсетілген. Сонымен қатар ең cыйымды Boeing 767 әуе кемесінде КС8980 «Дубай-Алматы» рейсі сағат 17:40-та репатриациялық рейс ретінде орындалады.
Бұл рейстерге билеттер сатылымға шығарылды. Кестені әуе компанияның сайтында тексеруді сұраймыз, — деп жазылған хабарламада.
Компаниядағылар рейстер ұшу қауiпсiздiгiнiң жоғары стандарттарына сәйкес орындалып жатқанын ескертті.
