Алматыда сот шешімімен тау бөктерінде салынған ірі нысан сүріліп жатыр. Бұл туралы қала әкімінің баспасөз қызметі хабарлап отыр.
Нұрмағамбетов көшесі, 374/1 мекенжайдағы төрт қабатты ғимарат заңсыз деп танылған.
Нысан заңсыз салынған. 2022 жылы құрылыстың тиісті құжаты болмағандықтан басқарма өз бетінше салынған ғимаратты бұзуға талап-арыз берген еді. Кейін сот процесі жүрді, — делінген хабарламада.
2022 жылғы 29 қарашада Алматы соты басқарманың талап-арызын қанағаттандырды және Алматының әділет департаменті атқарушылық іс қозғаған болатын.
Қала тұрғындарына ғимараттың заңсыз салынғанын ескерту үшін нысан жылжымайтын мүлікті сатып алуға ұсынылмайтын тізімге енгізілді, — делінген хабарламада.
