«Азаматтарға арналған үкімет» мемлекеттік корпорациясы» АҚ «ЦОН» мобайл қолданбасында зейнетақы мен жәрдемақы түрлерін есептейтін пайдалы сервисті іске қосты.
Бұл туралы компанияның баспасөз қызметі хабарлап отыр.
Бұл – азаматтарға үйден шықпай-ақ алдын ала әлеуметтік төлемдердің мөлшерін шамалауға мүмкіндік беретін ыңғайлы құрал, — деп жазылған хабарламада.
Сервис 2025 жылғы 28 сәуірден бастап жұмыс істеп тұр. Қызмет іске қосылған сәттен бастап 4 470 адам есептеулер жүргізіп үлгеріпті. Бүгінгі таңда калькулятор арқылы сегіз әлеуметтік төлем/жәрдемақы мен зейнетақы түрлері бойынша бес негізгі санатты есептеуге болады:
- зейнетке шығу: базалық, ынтымақты және жинақтаушы зейнетақы;
- бала туу: жүктілікке, босануға немесе бала асырап алуға байланысты табыстан айырылу кезіндегі төлем, сонымен қатар 1,5 жасқа дейінгі бала күтімі бойынша жәрдемақы;
- мүгедектік: еңбекке қабілеттігінен айырылу жағдайындағы әлеуметтік төлем;
- жұмыссыз қалу: жұмысынан айырылу жағдайы бойынша әлеуметтік төлем;
- жақын адамынан айырылу: асыраушысынан айырылу жағдайы бойынша төлем.
