Ішкі істер министрлігі алаяқтар жасанды интеллектіні пайдалана бастағанын айтып, ескерту жасады.
Олар банк, құқық қорғау органдары немесе туыстар атынан хабарласып, шынайы адамның дауысын дәл салып, сенімге кіруге тырысады. Тіпті Deepfake технологиясын қолданып, танымал тұлғалардың немесе жақын жандардың бейнесін шынайы етіп жасап, бейнеқоңырау шалу арқылы алдауға дейін барады. Алаяқтардың айқын белгісі – эмоциясыз дауыс, қисынсыз сөйлемдер мен асығыс әрекетке итермелейтін сөздер, – делінген хабарламада.
Министрлік күмән тудыратын хабарламалар мен қоңырауларға аса мұқият болуға кеңес береді.
