Алматы — еліміздегі муралға бай қала. Baribar.kz фототілшісі Нұрназар Әмзе қала қабырғаларына салынған тұлғаларды түгендеп қайтты.
Бүркітші
Бұл — қолына бүркіт ұстап түскен қазақтың суреті. Муралды украин суретшісі Андрей Пальвал 2017 жылы Алматыда өткен Mural Fest аясындағ салған. Граффити Розыбакиев көшесі, 111 мекенжайындағы ғимарат қабырғасына салынған.
Андрей негізі портрет пен құстардың бейнесін салады. Ал бұл муралда екі тақырыпты біріктірген екен.
Зорлыққа қарсы мурал
Ирина Кайратовна тобы тұрмыстағы зорлық-зомбылыққа қарсы науқанды қолдап, клип түсірген еді. Сол клип аясында Алматыда осы мурал салынды. Мұнда қорқып тұрған қазақ қызы бейнеленген. Муралдың бастапқы атауы «Любить, а не бить» («Ұрмау керек, сүю керек») еді, астында еліміздегі танысу сайты Mahabbat.kz атау жазылған.
Алайда 2025 жылғы сәуірде бұл сөздер өшіріліп, тек әр сөздің соңғы буыны қалған. Сайт әзірше істемей тұр. Мурал 2019 жылы Розыбакиев көшесі, 218 А мекенжайындағы үйдің қабырғасына салынған. Муралдың авторы — режиссер Қуаныш Бейсек, ал муралды Әсел Смақ деген талантты суретші салған.
Мурал Жандосов көшесі, 34 А деген мекенжайдағы үйдің қабырғасына салынған.
Денис Тен
Әйгелі мәнерлеп сырғанаушы Денис Тенге арналған мурал Құрманғазы көшесі, 54-үйдің артқы қабырғасына салынған. Муралдың бұл мекенжайдағы қабырғаға салынған тегін емес. Спортшыны 2018 жылғы 19 шілдеде Құрманғазы мен Байсейітова көшелерінің қиылысында өлтіріп кеткен еді.
Муралда спортшының туған және қайтыс болған жылы жазылған. Бұл маңда Денис Теннің қоладан құйылған мүсіні мен мемориал тақтасы да бар. Жанында мәнерлееп сырғанаушыны еске алуға арналған бұрыш бар. Оған адамдар гүл мен хат тастап жүреді.
Мұқағали Мақатаев
Ақынның муралы Мақтаев пен Шәріпов көшелерінің қиылысында тұр. Муралды салуға «Қазақфильм» киностудиясы тапсырыс берген. Мұқағал Мақатаевтың суретін Абай Сұлтан мен Нұрболат Аманқұл деген суретшілер салған.
2021 жылы «Мұқағали» деген фильм шықты. Муралдың оң жағында QR-код бар. Жолдан өтіп бара жатқандар сол кодқа камерасын бағыттаса, фильмнің тизерін көре алады. Граффитиге ақынның «Өмір дегенің бір күндің сәуле екен ғой…» деген сөзі жазылған.
Коронавируспен күрескендер
Бұл — 2020 жылы жарияланған пандемияда халықты коронавирустан айықтыру үшін күрескендерге арналған мурал. Төле би Мен Чокин көшелерінің қиылысындағы ғимараттың қабырғасына салынған.
Велошабандоз
Муралды Төле би көшесі, 125-үйдің қабырғасына REPAS WORKSHOP ұжымы салған. Граффити 2016 жылғы Mural Fest Almaty аясында жасалған.
Екі велосипедшінің төбесіндегі — өзіміздің спортшы Александр Винокуров. Екіншісі — Батыс елдерінің бірінде Қазақстанның формасын киген шетел спортшы.
Киберспортқа арналған мурал
Қазақстанда киберспорт 2018 жылғы 25 маусымнан бері ресми спорт түрі деп жарияланған. Спорттың бұл түрі пайда болғанын көп өтпесе де, жылдам танымал болып кетті. Елімізден шыққан киберспортшылар халықаралық байқауларды жеңіп жүр.
Кбиерспортшыларымызды қолдау үшін Алматыдағы Repas командасы 2018 жылы осындай мурал салған. Граффити Төле би мен Иұратбаев көшелерінің қиылысындағы ғимараттың қабырғасына, жоғарыдағы «Велошабандоздар» муралына қарама-қарсы салынған.
Димаш Құдайберген
Әйгілі әнші Димаш Құдайбергенге арналған мурал Қабайбай батыр мен Сейфуллин көшелерінің қиылысындағы үйдің қабырғасына салынған. Авторы — суретші Батыр Сәдуақасов. Бұл оның сол кездегі алғаш салған муралы еді. Оған дейін комикс, стрит арт, кітаптарға иллюстрация салатын. Муралды демеген — Айбек Барысов.
2023 жылғы наурызда үйді жөндеп жатқанда муралдың кей жері бүлінген еді. Тұрғындар «муралды өзіміз жөндейміз, тек кедергі келтірмеңіздер» деп қала әкімі Ерболат Досаевқа айтқан болатын.
Абай
Алматыда Абайдың бейнесі салынған граффити бірнешеу. Ал бұл мурал Абай даңғылы мен Желтоқсан көшелері қиылысындағы 3 қабатты үйдің қабырғасына салынған.
Шерлок Холмс
Бұл — әйгілі детектив кейіпкер Шерлок Холмсқа арналған мурал. Граффити Досмұхамедов көшесі, 31-үйдің қабырғасына салынған.
Шерлок Холмс — жазушы Артур Конан Дойл жасаған әдеби кейіпкер, жеке детектив.
Шавкат, Бекзат және Геннадий
Спортшыларға арналған мурал Көктем-1 шағын ауданындағы арнайы орынға салынған. Граффитиде жартылай орта салмақта UFC демеушілігімен өнер көрсететін қазақ аралас жекпе-жек шебері Шавкат Рахмонов, 2000 жылғы Сидней Олимпиадасының алтын медаль иесі, боксшы Бекзат Саттарханов және әйгілі кәсіби боксшы Геннадий Головкин бейнеленген.
