Отандасымыз жаңартылған рейтингте 13 орыннан 6 орынға көтеріліпті. Ал жартылай орта салмақта өнер көрсететін Жанқош Тұраров 12 орнын сақтап тұр.
Еске салайық, кәсіпқой бокстағы өзінің кезекті кездесуін 26 мамыр күні Флоридада өткізеді. Отандасымыздың қарсыласы мексикалық Норберто Гонсалес болмақ. Ол кәсіпқой бокстағы 31 кездесу өткізіп, 23 кездесуде жеңіске жетсе, 8 кездесуде жеңіліп қалған.
Бүгін осы кездесуге дайындалу үшін Қанат Ислам Лас-Вегаста келді. Сондай-ақ Қанат Ислам 6 мамыр күні Лас-Вегастағы T-Mobile Arena аренасында өтетін Сауль «Канело» Альварес (48-1-1, 34 КО) пен кіші Хулио Сезар Чавес арасындағы жекпе-жекті тамашалайды.