Экология және табиғи ресурстар министрі Ерлан Нысанбаев құрғақшылыққа қатысты болжамды жариялады.
Мамыр айы елдің көп бөлігінде ыстық және құрғақ болады. Алайда егін егетін өңірлерде және оңтүстікте жауын-шашын көлемі климаттық нормаға жақындайды.
Мамыр айында Қостанай облысының оңтүстігінде, Батыс Қазақстан және Маңғыстау облыстарының оңтүстік-батыс жартысында, Қызылорда облысының солтүстік-батыс бөлігінде, Алматы және Жамбыл облыстарының солтүстігінде, Қарағанды облысының оңтүстігінде, сонымен қатар Ақтөбе, Атырау, Абай және Түркістан облыстарының жекелеген аудандарында құрғақшылық болады деп болжанып жатыр, — деді Ерлан Нысанбаев үкіметтің бүгінгі отырысында.
