Мьянмадағы Мандалай қаласынан солтүстікке қарай 60 шақырым жерде магнитудасы 5,2 дәрежелі жер сілкінісі болды.
Бұл туралы Таиландтың метеорологиялық департаменті хабарлап отыр.
Жер сілкінісі жергілікті уақытпен сағат 14:58-де тіркелген, ошағы 10 шақырым тереңдікте орналасқан.
Айта кетейік, 28 наурызда Мьянмада магнитудасы 7,7 болатын күшті жер сілкінді. Жер асты дүмпулері көршілес бес елде де сезілді. Кейінгі мәліметтер бойынша, қаза болғандар саны 3 600 адам, жараланғандар саны 5 000-нан асты.
