Saqtandyrý ақпарат жүйесіне интеграцияланған жаңа цифрлық құрал ТМККК және МӘМС шеңберінде медициналық қызметтерді қаржыландырудың ашықтығын, сапасын бақылауды және автоматтандыруды қамтамасыз етеді. Бұл туралы денсаулық саштау министрлігі хабарлап отыр.
Биылғы наурыз айында Бірыңғай төлем жүйесін пилот іске асыру Ақмола облысының медицина ұйымдарында басталды. 1 шілдеден бастап жаңа жүйе еліміздің барлық медицина ұйымдарына енеді.
Жаңа цифрлық жүйе мыналарды қамтамасыз етуге мүмкіндік береді:
- көрсетілген медициналық көмек қаншалық дұрыс екенін дербес есепке алу және түпкілікті бақылау негізінде медициналық қызмет көрсету ашықтығы;
- қаражаттың негізсіз есептен шығарылуын болдырмау және медицина қызметінің сапасын бақылауды жақсарту;
- медицина көмегін берудегі қате мен бұзушылықты, соның ішінде «қосып жазу» дегенді автоматты түрде анықтау.
- медицина қызметтеріне ақы тек нақты көрсетілген көмекке төленетініне кепілдік беру.
Бұл жүйе бюлжет қаражатын тиімді пайдалануға, “қосып жазуды” алып тастауға және сыбайлас жемқорлық қаупі үлесін азайтуға бағытталған.
Жаңа жүйе тиімді екенін Ақмола облысындағы пилот жобасының алдын ала қорытындысы растаған. Пилот режимі бар жүйе берілген медицина көмегінің белгіленген стандарттарына сәйкес келмеген 11 мыңнан астам фактіні, оның ішінде тіркеу фактілерін анықтады.
