Өзбекстанға жаңа әуе бағыты ашылады. Бұл туралы көлік министрлігінің азаматтық авиация комитеті хабарлап отыр.
Биылғы жылдың 1 мамырынан бастап қазақстандық Qazaq Air әуе компаниясы Астана – Түркістан – Самарқан бағыты бойынша Өзбекстанға жаңа бағыт ашуды жоспарлап отыр, — деп жазылған хабарламада.
Рейстер аптасына екі рет бейсенбі және жексенбі күндері орындалады. Қазақстан мен Өзбекстан арасындағы рейстердің жалпы саны аптасына 42-ден 44-ке дейін артады.
Әуе қатынасының ашылуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп жоспарланып жатыр.
