Мьянмадағы жойқын табиғи апаттан қаза болғандар саны 3 085 адамға жуықтады. Бұл туралы Xinhua хабарлап отыр.
Мьянма мемлекеттік әкімшілік кеңесінің деректері бойынша, зілзала салдарынан 4 715 адам зардап шеккен, сонымен қатар 341 адам із-түзсіз жоғалып кеткен.
2025 жылғы 3 сәуірдегі жағдай бойынша Мьянмада 66 афтершок тіркелді. Оның магнитудасы 2,8-ден 7,5 шамасында болған.
Еске салайық, 28 наурызда Оңтүстік-Шығыс Азияда орналасқан Мьянма республикасының орталық бөлігінде жер сілкінді. Магнитудасы — 7,7, тереңдігі — 10 шақырым.
