Қазақстан терроризмді қаржыландыруға қарсы шараларды күшейтіп жатыр. Бұл туралы сенат хабарлап отыр.
Бүгін қылмыстық кірістерді заңдастыруға және терроризмді қаржыландыруға қарсы іс-қимыл жөніндегі Еуразиялық топ туралы келісімге өзгерістер хаттамасы ратификацияланды.
Құжат жаппай қырып-жою қаруын тарату үшін берілетін қаржыны тоқтату жөніндегі шаралармен толықтырыла отырып, ЕАТ өкілеттіктерін кеңейтеді. Сонымен қатар негізгі анықтамалар нақтыланады, ұйымның жұмысы және оның бюджетін қалыптастыру тәртібі реттеледі, — деп түсіндірілді сенатта.
Қабылданған өзгерістер қаржы ағындарын бақылауды күшейтуге, халықаралық ынтымақтастықтың тиімділігін арттыруға және Қазақстанның ФАТФ (Financial Action Task Force – ақшаны жылыстатуға қарсы күрестің қаржылық шараларын әзірлеу тобы) стандарттарына сәйкестігін қамтамасыз етуге мүмкіндік береді.
